ទម្រាំមានដល់ថ្ងៃនេះ នាយក្រូច ធ្លាប់ដើររើសអេតចាយតាមគេលើដងវិថីពីមុនមក (មានវីដេអូ)

្ភភ្នំពេញ ៖ ជាការពិតណាស់ដែលលោក សេន សុប៊ុន ឬដែលមហាជនជាទូទៅបានស្គាល់ថាជាតារាកំប្លែងដ៏ល្បីមួយរូបប្រចាំប្រទេសមានឈ្មោះថា នាយក្រូច នោះ បានធ្វើឲ្យប្រិយមិត្ត និងហ្វេនៗដែលជាអ្នកនិយមគាំទ្រលោក ទប់ទឹកភ្នែកសឹងតែមិនជាប់ ក្រោយតារាកំប្លែងដ៏មានទេពកោសល្យរូបនេះបានគាស់កកាយរឿងរ៉ាវប្រវត្តិជីវិតតស៊ូរបស់លោក នៅក្នុងកម្មវិធីTalk Show ដ៏ល្បី3FUN យ៉ាងដូច្នេះថា÷…ខ្ញុំឃើញគេដើររើសអេតចាយ ហើយខ្ញុំអត់ទាន់អេតចាយនោះ ព្រោះនៅស្រុកស្រែមិចស្គាល់អេតចាយ ឃើញគេដើររើសអេតចាយ ខ្ញុំក៏សួរគេថា បងៗឯងដើររើសកំប៉ុងធ្វើអី

ដល់ពេលគេថារើសយកលក់អេតចាយបានលុយ ដល់ពេលអញ្ចឹងទៅខ្ញុំក៏សំពះគេសុំដើរជាមួយ ដើរពេលគេដើរអញ្ចឹង ខ្ញុំក៏ដើររើសតាមៗគេ ល្ងាចឡើងក៏យកទៅលក់ ហើយលក់បាន១៥០០រៀល ហើយអញ្ចឹងទៅសង្ឃឹមថារស់ហើយ…៕ដោយឡែកទៀតសោតដោយ​ក្តីព្យាយាម នាយ ក្រូច ក៏​មាន​ឱកាស​បាន​បញ្ចេញ​សមត្ថភាព​យូរៗ​ម្តង​នៅលើ​កញ្ចក់​ទូរទស្សន៍​ប៉ុស្តិ៍​លេខ​៣​ជាមួយ​នាយ តឹង និង​នាយ តាក់ស៊ី ហើយ​ក្រោយ​មក​នាយ​តាក់ស៊ី​ក៏​បាន​បបួល​ទៅ​ប្រឡង​នៅ​ស៊ីធីអិន ទីបំផុតក្រោយប្រឡងរួចនាយ ក្រូច ក៏​បាន​ក្លាយ​ជា​តារាកំប្លែង​ប្រចាំ​ទូរទស្សន៍​ស៊ីធីអិន ព្រម​គ្នា​ជាមួយ​នឹង​ប្អូនស្រី​របស់​ខ្លួន​គឺ​នាង អ៊ីត និង​ក្មួយប្រុស គឺ​នាយ ចឺម​ រហូតមកដល់សព្វថ្ងៃនេះ៕ប្រភព៖khmerload