ថ្ងៃមុន Live បណ្ដើរយំកោរសក់បណ្ដើរ ថ្ងៃនេះ ជនិន្ទ្រ អរុណរស្មី Live ញញឹមឡើងសប្បាយរីករាយវិញម្ដង

ភ្នំពេញ ៖ ជាការពិតណាស់ដែលរយៈពេលជិតមួយសប្តាហ៍ហើយ ដែលដំណឹងបែកបាក់របស់តារាចម្រៀង ទិត្យ សុធារី និង តារាហ្វេសប៊ុកសម្តីផ្អែមលោក ជនិន្ទ្រ អរុណរស្មី ត្រូវបានប្រកាសជាសាធារណៈ តែយ៉ាងណាមហាជនអ្នកលេងបណ្តាញសង្គមហ្វេសប៊ុក នៅតែបន្តចង់ដឹងរឿងរ៉ាវរបស់អតីតគូសង្សារនេះដដែល ។ក្រោយពីបែកបាក់ភ្លាមៗ អ្នកលេងបណ្តាញសង្គមហ្វេសប៊ុកក៏បានឃើញលោក អរុណរស្មី បានឡាយវីដេអូយំសស្រាក់ កាត់សក់បង្ហាញចិត្តស្មោះដល់ ទិត្ត សុធារី តែទោះជាយ៉ាងណាស្នេហាអ្នកទាំងពីរ ក៏បានដើរដល់ផ្លូវបំបែកពិតមែន ។ដោយឡែកទៀតសោត បើក្រឡេកទៅមើល ទិត្យ សុធារី វិញ ក៏ហាក់មិនបានតបតអ្វីទៀតដែរ ។

បើក្រឡេកទៅមើលលោក អរុណរស្មី ឯនោះវិញ ក្រោយពីកាត់សក់នៅមុខការ live វីដេអូហើយ កាលពីថ្ងៃទី ៣០ ខែសីហា ឆ្នាំ ២០២១ កន្លងទៅនេះ លោកក៏បានធ្វើការ live វីដេអូសាជាថ្មី ដោយម្តងនេះ គឺសក់របស់លោកកោរអស់រលីងតែម្តង ។ បង្ហាញមុខជាថ្មីក្រោយយំខូចចិត្តកាលពីថ្ងៃមុនហើយ លោក អរុណរស្មី ក៏បានបង្ហាញស្នាមញញឹមជាថ្មីដល់អ្នកគាំទ្ររបស់លោកវិញដែរ ។

ក្នុងការ Live វីដេអូ លោក អរុណរស្មី បានបង្ហាញអារម្មណ៍ហាក់មិនទាន់បំភ្លេចអតីតសង្សារបានទាំងស្រុងនៅឡើយ ប៉ុន្តែលោកបាននិយាយពាក្យជាច្រើនយ៉ាងមានន័យ ធ្វើឱ្យអ្នកបានទស្សនាអបអរសាទរដែលលោកអាចនឹងធ្វើចិត្តបានក្នុងពេលឆាប់ៗ ។ជាក់ស្ដែងផងដែរពាក្យទាំងនោះ លោក អរុណរស្មី បានឱ្យដឹងថា កាលណាលោកព្យាយាមបំភ្លេច នោះវារឹតតែធ្វើឱ្យលោកចងចាំ ដូច្នេះហើយអ្វីគ្រប់យ៉ាង គឺត្រូវការពេលវេលា ៕ប្រភព៖popular