ឃើញរូបភាពទាំងនេះក៏ដឹងថាគ្រួសារ ពេជ្រ សូលីកា មានសុភមង្គលយ៉ាងណាដែរ

ភ្នំពេញ ៖ ជាការពិតណាស់ជឿជាក់ថាប្រិយមិត្តពិតជាបានជ្រាបរួចមកហើយពីតារាចម្រៀងស្រីដ៏មានប្រជាប្រិយភាព ក្នុងពេលបច្ចុប្បន្ន អ្នកនាង ពេជ្រ សូលីកា ក្រោយសម្រាលបានកូនប្រុសអស់រយៈពេល ៥ខែកន្លងមកនេះ គេសង្កេតឃើញជីវិតរស់នៅប្រចាំថ្ងៃតារាស្រីរូបនេះ កាន់តែមានភាពរីកាយ ពោរពេញដោយស្នាមញញឹម។ មិនតែប៉ុណ្ណោះ យើងអាចនិយាយបានថា អ្នកម៉ាក់សម័យថ្មីរូបនេះ សំណាងដែលមានស្វាមីពូកែយល់ចិត្ត

ហើយចេះមើ់លថែនាង និងកូនបានយ៉ាងល្អគួរឲ្យសរសើរ។ ដោយឡែក មួយរយៈចុងក្រោយមកនេះ អ្នកនាង ពេជ្រ សូលីកា តែងតែថតរូបជាជាលក្ខណៈគ្រួសារ បង្ហោះលើបណ្ដាញសង្គម បង្ហាញឲ្យឃើញថា មានសេចក្ដីសុខតែម្ដង។ ក្នុងនោះដែរ តារារូបនេះ ក៏ជាមេផ្ទះមួយដ៏ល្អសម្រាប់គ្រួសារ ដែលគ្រប់ពេល នាងតែងតែចម្អិនម្ហូបសម្រាប់ស្វាមីថែមទៀតផង។ លើសពីនេះទៅទៀត

សព្វថ្ងៃនាងបានជោគជ័យលើជីវិតគ្រួសារមួយផ្នែកធំទៅហើយ តែបើងាកទៅមើលមុខជំនួញវិញក៏រីកចម្រើន និងទទួលបានការគាំទ្រច្រើនពីមហាជនផងដែរ។ ជាក់ស្ដែង បន្ទាប់ពីកូនប្រុសកាន់តែលូតលាស់ធំជាងមុន ប៉ុន្មានម៉ោងមុននេះ អ្នកនាង ពេជ្រ សូលីកា​ បានបង្ហោះរូបជុំគ្រួសារ នៅក្នុងបរិយាកាសយ៉ាងស្រស់ស្រាយ

ដោយរូបភាពទាំងនោះមើលទៅ នាងជាមួយស្វាមី និងកូនកាន់តែយល់ចិត្តគ្នា ព្រមទាំងបានបង្ហាញនៅស្នាមញញឹមយ៉ាងកក់ក្ដៅផងដែរ។ ជាមួយគ្នានេះដែរ រូបភាពទាំងនេះសរបញ្ជាក់ឲ្យគ្រប់គ្នាបានឃើញថា ជីវិតគ្រួសារនាងក្រោយមានកូន តារារូបនេះ កាន់តែទទួលបាននៅសុភមង្គលជាងមុនទ្វេដង៕ប្រភព៖khmerload